「台灣母語日活動」 第一學期

臺灣母語日

 

第一週

活動內容

 

 

念謠篇

 

切桃仔

(傳統念謠 陳中申編曲 江欣子念唱)

 

桌頂一隻刀仔,

一粒桃仔。

夯刀仔切桃仔,

不通切著桌仔。

 

 

第二週

活動內容

 

 

念謠篇

一隻猴子

(傳統念謠 陳中申編曲 江欣子念唱)

 

一隻猴仔,

一寡猴仔跋落溝仔

一隻猴仔轉去

提鉤仔來鉤猴仔。

 

 

第三週

活動內容

 

 

念謠篇

猴佮狗

樹頂一隻猴,

樹腳一隻狗,

猴看著狗,狗看著猴

猴走狗嘛走

不知是狗驚猴,

抑是猴驚狗?

 

 

第四週

活動內容

 

 

念謠篇

撞破鼓

(傳統念謠 陳中申作曲編曲 江欣子演唱)

 

囝仔囝仔撞破鼓,

提褲來補鼓,

鼓破褲補,

褲破布補,

到底是布補鼓,

抑是褲補鼓?

 

 

第五週

活動內容

 

 

念謠篇

一個姓傅

(傳統念謠 郭芝苑作曲 劉學軒配器 江欣子演唱)

 

一個姓傅,手提一匹布,

行到雙叉路,趕緊入當鋪,

當錢一千一百五,

買了一擔醋,

擔到石頭仔路,

看見一隻兔,

放落醋,追了兔,

掠著兔,脫了褲,

包了兔,兔更咬破褲,

走了兔,追了兔,撞倒醋,

亦無褲,亦無醋,

亦無步,

亦無兔,

氣死那個姓傅。

 

 

第六週

活動內容

 

 

念謠篇

猜謎歌大會串

(傳統念謠 陳中申作曲編劇編曲

江欣子 賴予喬 林中琦 熊苓 張皓婷演唱)

 

來來來,臆謎猜,

天文地理來比賽,

比看啥人卡厲害,

臆著的人尚光彩,

來來來,

好膽做你來,

毋驚你臆無路來,

尚驚是毋知

擱假博擱假攏知。

臆謎猜,臆謎猜,

大家來臆謎猜,

臆謎猜。

 

 

第七週

活動內容

 

 

謎猜篇

一個阿公阿揹黑豆

沿路行,沿路漏。

一個老公仔揹黑豆,

沿路行,沿路漏。

(這是要臆啥米啊?)

(臆一種動物。)

(動物?嗯──)

(啊!我知啊,

是羊仔!羊咩咩啦!

羊仔有長嘴鬚,

親像老公仔,

羊仔的屎一粒一粒,

恰若烏豆咧!

擱那走那放喔!)

一個老公仔揹黑豆,

沿路行,沿路漏。

 

 

第八週

活動內容

 

 

謎猜篇

二個矸仔貯黑棗

日時開,冥時鎖。

(這要臆啥?)

(乎你臆人的五官其中一項。)

二個矸仔貯黑棗,

日時開,冥時鎖。

(我奈攏想無,

到底生佇都?

請你給我報。)

(喔─我想著啊,是目睭啦!)

二個矸仔貯黑棗,

日時開,冥時鎖。

 

 

第九週

活動內容

 

 

謎猜篇

 

一叢樹仔兩片葉,

斡來斡去看昧著。

(乎你臆,

這種物仔大家有,

歸日掛在你身軀。)

(樹仔就是你!)

(葉仔就是伊!)

(不是伊要走去密,

是你的目睭看無你自己。)

一叢樹仔兩片葉,

斡來斡去看昧著。

(看昧著,看昧著,看乎你臆。)

(嗯,原來就是耳仔喔。)

(喔!是耳仔啦!哈哈哈!)

一叢樹仔兩片葉,

斡來斡去看昧著。

 

 

第十週

活動內容

 

 

謎猜篇

 

乎你臆一種果子。

紅關公,白劉備,

黑張飛,走去密。

(這是一種熱天才有的果子,想有無?

若無我擱念一遍。)

紅關公,白劉備,

黑張飛,走去密。

(想無嗯?想無我給你講,是荔枝。)

(紅關公就是皮,

白劉備就是肉,

黑張飛是伊的籽,

合起來就是荔枝。)

 

 

第十一週

活動內容

 

謎猜篇

 

紫梳包蝦米,蝦米包酸醋

(嗯?哪有這種物件?

(有啦,

  這嘛是一種果子喔!)

青布包白布,白布包紫梳

紫梳包蝦米,蝦米包酸醋

(我擱給你點一下,

 這種果子在中秋的時陣尚流行。)

(中秋節尚時流行的果子!

  中秋節……?

  啊!是柚子,對無?)

(對了!對了!)

青布包白布,白布包紫梳

紫梳包蝦米,蝦米包酸醋

 

第十二週

活動內容

 

謎猜篇

 

摸昧著邊,食昧出鹹淡

(臆大自然的一種物件)

有聽著聲,無看到影,

麼昧著邊,食昧出鹹淡。

(有聽著聲,無看到影,

  麼昧著邊,食昧出鹹淡。

  啊- 我聽着聲囉!

  是風啦!)

有聽著聲,無看到影,

麼昧著邊,食昧出鹹淡,

食昧出鹹淡。

(謎猜謎猜,到單你才知。)

(你兜在作風颱。

  到單你才知,

  大家攏來臆迷猜。煞!)

 

第十三週

活動內容

 

念謠篇

火金姑

火金姑,來食茶,

茶燒燒,來吃芎蕉,

芎蕉冷冷,來吃龍眼,

龍眼要剝殼,來吃藍菝

藍菝全全籽,食一下落嘴齒。

 

第十四週

活動內容

 

念謠篇

大頭一粒珠

(傳統念謠 陳中申曲 劉學軒編曲

          賴予喬、林中琦、熊陵、張晧婷 合唱)

 

大頭仔大頭仔一粒珠,

相打不認輸,舉竹竿,

撞金龜,金龜一下飛,大頭仔放風吹,

風吹斷了線,

大頭的傢伙去一半。

 

第十五週

活動內容

 

念謠篇

台灣小吃

大頭仔大頭仔生後生,

生後後了賣肉羹,

肉羹結歸丸,

大頭仔講伊欲賣肉圓。

肉圓歹吃無人買,

大頭賣碗粿。

碗粿冷枝枝,

大頭氣著賣花枝。

花枝花枝真臭臊,

大頭換來賣米糕。

米糕燒滾滾,

大頭仔講伊欲賣米粉。

米粉滾昧爛,

大頭仔不知欲按怎?

 

第十六週

活動內容

 

念謠篇

一年仔倥倥

一年仔倥倥,

二年仔孫悟空,

三年仔吐劍光,

四年仔愛膨風,

五年仔上帝公,

六年仔閻羅王,閻羅王。

 

第十七週

活動內容

 

念謠篇

十二生相

一鼠,賊仔名;二牛,駛犁兄;三虎,爬山崎;

四兔,遊東京;五龍,皇帝命;六蛇,互人驚;

七馬,跑兵營;八羊,食草嶺;九猴,爬樹頭;

十雞,啼三聲;十一狗,吠契兄;十二豬,菜刀命。

 

第十八週

活動內容

 

念謠篇

一的炒米香

一的抄米香,二的抄韭菜,三的強強滾,四的抄米粉。

五的五將軍,六的六子孫,七的蚵仔飼麵線,

八的講伊卜分一半,九的九嬸婆,十的撞大鑼。

打你千打你萬,打你一千零五萬,羞羞羞袂見笑,

猜輸唔甘願,玩輸起蝦龜,唔甘願起蝦龜,

我卜來去投老師,投老師。

 

第十九週

活動內容

 

念謠篇

新娘仔
新娘水噹噹,褲底破一空;
頭前開米店,後壁賣米香;
米香無人買,跋落尿礐仔底。

 

第二十週

活動內容

 

念謠篇

龍眼干
龍眼干,三兩半,你點燈,我來看。
龍眼干,三兩半,你點燈,我來看。
看啥乜,看新娘,新娘美咚咚,嫁好尪。